Kafkraaft stäerken & Inflatioun bremsen

Konkret Hëllefen, dei am Alldag ukommen. Dat ass eis Politik.

Energiepräishëllef bis den 31. Dezember 2026

  • beim Mazout: -15 ct/l
  • beim Gas: -15 ct/m³
  • beim Bensinn & Diesel: -5 ct/l
  • beim Stroum : -4 ct/kWh

Neie crédit d’impôt conjoncture

  • Steierlech Erliichterung fir jiddereen ab dem 1. Juni 2026
  • Bis zu 24€ de Mount.
  • Equivalent zur Bereengegung vun enger Indextranche = 2.5%
  • Integratioun an de Barème ab dem 1. Januar 2027

Leit um Mindestloun kréien 200 € netto méi

  • Strukturell Erhéijung ëm 105 € a zousätzlech Erhéijung ëm 98 € duerch e Steierkredit op den 01.01.2027
  • Dëse Steierkredit geet den 1. Juli 2027 ëm weider 21€ erop
  • Steierbefreiung fir den onqualifizéierte Mindestloun bleift bestoen

Transitioun op erneierbar Energien fërderen

Zäitlech begrenzten Erhéijung vum Klimabonus Wunnen bis den 30. Juni 2027

  • Bis zu 12.000€ fir Wäermepompelen
  • Bis zu 20% fir energeetesch Sanéierung
  • 300€ fir Energieberodung beim Eefamilljenhaus
  • 500€ fir Energieberodung bei Résidencen

Leasing social fir Elektroautoen ab dem 1. Januar 2027

An enger onsécherer internationaler Situatioun huet d’Regierung zesumme mat de Sozialpartner en Accord fonnt, deen d’Kafkraaft stäerkt, d’Betriber entlaascht an d’Land méi resilient mécht. 

De Premier Luc Frieden huet an der Chamber de Resilienzpak virgestallt, deen op dräi grouss Ziler opbaut: d’Inflatioun bremsen, d’Aarbechtsplaze schützen an d’Energietransitioun virundreiwen. 

Konkret ginn d’Energiepräisser zäitweileg gebremst.

 Dat hëlleft de Famillen am Alldag, mee och de Betriber, well manner héich Energiepräisser d’Inflatioun ofbremsen an d’Previsibilitéit verbesseren. 

Mat engem neie Crédit d’impôt conjoncture ginn d’Leit zousätzlech direkt entlaascht, ouni datt nei Steieren agefouert ginn. 

Och de soziale Mindestloun gëtt gestäerkt. Gläichzäiteg gëtt opgepasst, datt virun allem kleng a mëttel Betriber net iwwerméisseg belaascht ginn.

Donieft gesäit den Accord geziilt Hëllefe fir Secteure vir, déi besonnesch staark vun der Kris betraff sinn, dorënner och d’Landwirtschaft. 

E wichtege Volet ass och d’Energietransitioun. Mat weideren Hëllefe beim Klimabonus Wunnen, bei Wärmepompelen, energeetesche Renovatiounen an dem soziale Leasing fir Elektroautoen, soll d’Ofhängegkeet vun de fossillen Energie reduzéiert ginn. Dat ass gutt fir d’Klima, fir d’Leit an och fir d’Lëtzebuerger Handwierk. 

De Laurent Zeimet huet am Numm vun der CSV-Fraktioun dem Premier an der Regierungsekipp fir d’Resultat vun der Tripartite felicitéiert a Merci gesot. 

Den CSV-Fraktiounspresident huet ënnerstrach, datt dës Tripartite weist, datt d’Regierung Sozialdialog ka féieren an an enger schwiereger Situatioun mat roueger Hand Verantwortung iwwerhëlt. 

Fir d’CSV ass dësen Accord wichteg, well en d’Leit konkret entlaascht, d’Betriber stäerkt an de sozialen Zesummenhalt séchert. De Resilienzpak ass domat en Accord am Interêt vum ganze Land: fir d’Famillen, fir d’Betriber, fir d’Aarbechtsplazen a fir d’Zukunft vu Lëtzebuerg.