Här President,
Esou ewéi den Artikel 83 vum Chambersreglement et virgesäit, bieden Iech, dës parlamentaresch Fro un den Här Minister fir bannenzeg Sécherheet weider ze leeden.
Bis elo war d’Police-Kommissariat Porte du Sud zoustänneg fir d’Gemenge Schëffleng, Monnerech a Recken op der Mess. An der rezenter Äntwert op eng parlamentaresch Fro, war ze liesen datt d’Kommissariater vu Monnerech a Schëffleng net zum Projet fir en neit Police-Gebai zu Esch géife gehéieren.
An dësem Kontext géif ech gäre folgend Fro un d’Regierung stellen:
Wat heescht dës Ausso fir dat aktuell Kommissariat Porte du Sud?
Här President, ech bieden Iech mäin déifste Respekt unzehuelen.
Marc Spautz
Deputéierten